最近睇的電影

平時已經夠窮, 呢期仲窮到要閉關呢個地歩, 減少咗睇唔少戲呀慘



赤壁
導演：　呉宇森
演員：　梁朝偉, 張豐毅, 金城武, 胡軍, 張震...

因為睇之前已有同事睇咗話係分上集, 咁就唔覺被搵笨。成套戲片長差唔多兩個半鐘, 中間有部份情節都有啲拖長咗, 不過整體都OK啦! 我呢啲係不求史實但求睇得過癮!角色方面, 我最鐘意嘅孔明由我唔係咁鐘意嘅金城武去演,起初得知時都覺得有無搞錯! 後來睇咗投名状後就對金城武改観咗,而呢個生鬼版孔明都幾cute呀! 反観梁朝偉周瑜, 唔知係咪錯覺,我覺得有點易先生嘅感覺, 完全唔覺得梁朝偉做緊周瑜呢! 胡軍趙雲就係理想中嘅子龍呀! 而且仲好有型!張豐毅個feel都幾似曹操, 不過佢出戰嘅理由就.....　而張震孫權, 真係第一次見設定咁靚仔嘅孫權!　趙薇孫尚香成個環珠格格咁, 不過好啱佢做。
等年底睇埋下集!



THE DARK KNIGHT 蝙蝠俠?夜之神
Directed by Christopher Nolan
Christian Bale ... Bruce Wayne / Batman
Heath Ledger ... The Joker
Aaron Eckhart ... Harvey Dent
Michael Caine ... Alfred
Maggie Gyllenhaal ... Rachel Dawes
Gary Oldman ... Gordon
Morgan Freeman ... Lucius Fox

今集真係好好睇, 小丑Heath固然成為焦點所在, 成個故事舖排都好扣我心弘,　好想知小丑下一歩嘅行動, 連場小丑犯罪及同蝙蝠俠對疊都拍得勁好睇! 而且今集有別於平時嘅英雄漫畫電影, 感覺無咁漫畫化, 令我感覺戲内角色都好似日常生活上會有嘅人咁樣, 一啲都無漫畫嘅誇張感, 好睇到我三日内睇咗第二次(痴亞爸亞媽去睇), 將來出影碟一定無走雞! Heath真係成套戲嘅焦點, 可惜無得繼續演小丑落去, 以後都唔知可以搵邊個演... 後來我都睇返Heath嘅狂野武士懷念下, 拍得佢好靚仔呀! 繼續睇佢啲電影! 同埋要睇返路蘭嘅兇心人至得! 打呢篇嗰日嘅今朝睇新聞摩根費曼炒車, 仲受傷嚴重, 希望佢無事啦! 我幾喜歡睇佢, 尤其係月?高飛同埋最近睇嘅玩轉身前事, 希望佢無事繼續拍片!



WALL•E
Directed by Andrew Stanton
Ben Burtt ... WALL•E / M-O
Elissa Knight ... EVE
Jeff Garlin ... Captain

除咗蝙蝠俠, 又一正電影! 又係影碟目標! 未睇trailer前, 睇啲角色設定都唔係太過吸引, 後來睇trailer, 又引起興趣, 睇完後仲覺得啲角色好得意, 鐘意咗WALL•E, Eve同埋M-O仔! 好可愛呀!!! 就好似超人特工隊咁, 最初見啲角色設定無乜興趣, 睇完卻鬼死咁鐘意, 成套戲對白好少, 大部份對白仲係人類嘅添! 故事完全有教育意義, 而且仲好生活化, 玩好多我哋接觸過嘅玩意, 仲要有啲係自己年代嘅嘢, "拍拍紙",扭計"色", 連WALL•E開機都用Mac機開機聲,　林林總總令人好有親切感, 配合埋一啲懷舊嘅背景歌, 估唔到咁襯一套未來世界背景嘅電影!　夠晒娛樂性! 不過ending好感人呀! 我都有"D咁dur"湧呀!